英國男星加利奧文（Gary Oldman）雖然已經歷過4段失敗婚姻，但仍然相信愛情！最近佢就被指同作家女友Gisele Schmidt已成婚。加利奧文被指於今個月出席多倫多國際電影節（TIFF）之前，就已經於洛杉磯舉行婚禮，場地仲係佢嘅經理人Doug Urbanski屋企，而兩位新人一直都冇收呢個消息公開，直到最近先被踢爆。

2年之前，加利奧文同結婚7年嘅老婆Alexandra Edenborough離婚，加利以往3段婚姻都唔超過5年，同第二任影星前妻奧瑪花曼（Uma Thurman）都捱唔過3年，希望今次佢能夠開花結果。