人氣韓劇《GoodDoctor》噚晚播咗大結局，收視不負眾望有19.2%，即係連續20集都做一哥，認真巴閉。飾演患自閉症男主角嘅周元，唔單止終於成為真正醫生，佢仲學人曳曳，獻出初吻咀女主角文彩媛，加上韓片《３個特攻美少年》男星朴基雄搞鬼客串，以四眼look登場飾演周元嘅醫生後輩，難怪觀眾坐定定冇轉台啦。

周元噚晚仲拉大隊喺首爾永登浦區舉行慶功宴，台前幕後都玩得好開心呀。