趙又廷最近忙緊拍攝《痞子英雄之黎明升起》，但係就比內地傳媒偷拍到佢去咗北京同女朋友高圓圓見面，兩個人喺新一年愛得痴纏，噚日就被影到佢哋喺北京機場出現，原來係趙又廷準備離開北京，唔怪得佢哋難捨難離。

兩個人戴冷帽又戴口罩，只係露出對眼。高圓圓一直撓實趙又廷，好似驚男朋友會走失一樣。情到濃時，兩個喺機場攬埋一舊。不過似乎高圓圓唔捨得男朋友多啲，佢眼見情朗就快要離開北京，但係趙又廷分心玩電話，佢就攤開雙手要求同趙又廷攬攬，仲嚟一招樹熊抱，攬到實一實。反而趙又廷就警戒性高，周圍望睇下有冇比人發現，然後先隔住口罩錫女友，安撫高圓圓。