【拆局】
吳亮星等建制派議員發動對李波的抹黑行動，有泛民直言不足為奇，因為事件已經令港人甚至國際社會，皆質疑北京是否開始逐步破壞一國兩制、甚至暗地變成一國一制，所以要出手扭轉輿論導向，「將白講成黑」，而北京一向手法是將不同刑事罪名加在異見人士頭上，「喺內地已經係常態，幾多網絡名人都係被屈嫖妓、詐騙入罪」。
有泛民立法會議員分析，數日前建制派對李波事件還顧左右而言，到昨日卻「忽然勇猛」，全力抹黑李波，相信與今次事件越鬧越大，甚至變成國際事件，外媒質疑北京破壞一國兩制有關，「北京見到件事越搞越大，開始有外媒拎呢件事批評北京，所以要扭轉成件事，將白講成黑」、將原告講成被告，咁北京可以大大聲向外國講，我係拉咗個觸犯中國法律嘅人」，想借此防止本地及外媒討論升溫，「不過佢哋手法太拙劣、執行嘅人又太蠢，立法會咁多建制派，冇一個蠢到好似吳亮星咁，真係照讀晒段WhatsApp內容」。