當年今日

  老董新抱鋼琴演奏闔家捧場 - 李八方

蘋果日報 2002/01/06 00:00


特首董建華媳婦董林冰蘭(Jackeline)前晚於大會堂首次與香港管弦樂團合作演出,在「莫扎特二四六」音樂會上以鋼琴演奏多首莫扎特名曲。
一向團結的董家上下都有捧場。董建華、董建成夫婦、金董建萍及年輕一代如董家成員董立茂、金昌民都有捧場,不過風頭最勁則是董太趙洪娉身邊的兩個小孫女。
前晚約七時半,董太在保鑣開路下進場,而她身旁一對約五、六歲的孫女,打扮則一模一樣,紮住小辮仔做孖公仔,更帶備兩束鮮花,準備完場時獻給母親董林冰蘭。董太前晚亦心情靚絕,一見記者便說:「新年快樂!好開心呀今日,(有乜新年願望?)明天會更好啦!」
另外,自從特首董建華俾茶餐廳周老闆請食「握手檸檬」後,搞到特首夫人董趙洪娉有啲握手恐懼症。董太噚日到嶺南大學做「2002大專饑饉」主禮嘉賓,遇到八方,董太即刻伸手出嚟握手,重話:「你唔好唔同我握手!」八方唔想做新聞主角,當然冇畀「檸檬」董太食。佢之後同一班饑饉學生傾偈時,都逐個握手。
﹙圖﹚董太兩位小孫女非常可愛,前晚捧着鮮花,捧母親董林冰蘭(小圖)場。


E-mail:[email protected]