由金秀賢、孔孝真、車太鉉和IU主演嘅KBS新劇《製作人們》今個星期五就會播出第七集，呢齣劇暫定播出12集，即係話已經拍咗一半，而金秀賢今日就喺Instagram上載佢張大頭自拍照，又留言話：「現在一半」，意思應該係指佢拍《製作人們》已經過咗一半時間，即係好快就會迎來大結局。

而喺新照中，金秀賢就以《製作人們》嘅造型示人，只見佢好似好鬼攰，拍照時雙眼都冇乜精神，不過佢微微抬起頭個樣又好得可憐咁，真係好鬼可愛。而粉絲見到佢新相後都好鬼心痛，仲叫佢要好好照顧身體，不要捱壞呢。

另外，日前有個韓國娛樂圈嘅資深評論人受訪時就大讚金秀賢，佢話金秀賢已經唔係一位演員咁簡單，其實佢已經成為一個品牌，有佢演出都屬於佳品，亦都能夠為電視台同廣告商帶來好大收益。

而劇組就公佈多張孔孝真嘅花絮照，展示佢喺片場係開心果一名，無論何時何地都展露笑容。