啱啱過咗31歲生日嘅王梓軒，佢入行以嚟一直俾人感覺好官仔骨骨，但係呢排佢頻頻喺IG貼操肌相，仲見到佢啲腹肌現晒形，唔通佢諗住轉形象，行大隻仔路線？

今日王梓軒接受《蘋果》訪問，原來佢接拍咗周顯揚執導嘅電影《真．三國無雙》，對住韓庚和王凱呢啲小鮮肉，所以佢都要操一操，希望著起套將軍制服都有番啲台型，佢話：「其實以前做啲角色都偏向靜態嘅角色，根本冇呢個需要，直到今年5月知道拍呢套戲，除咗對住呢個小鮮肉，仲有古天樂、張兆輝同呂良偉呢啲型男，所以已經即刻搵教練幫手！」

王梓軒仲話：「唔止做運動，喺飲食嗰度都盡量配合，O依家我冇諗過話要操到幾大隻，但係會keep住繼續操，希望將來有機會試多啲新嘢！」