日本女星廣末涼子嫁俾第二任藝術家老公CandleJUNE之後，近年不時傳出負面消息，上年話佢背夫勾佬傳得似層層。對於被指偷食年輕男星佐藤健，廣末曾經公開否認，最近仲於官網公佈懷有第三胎嘅喜訊，預產期係今年夏天，一於用大肚嚟粉碎婚變傳聞。

廣末已準備停工養胎，有傳佢產後打算退出演藝界，三年前開始學定英文，一心告別是非之地，望日後可以專心做個家庭主婦。

巧合地，廣末同門女星小雪都為松山研一懷有第三胎，目前都停工在即，所屬事務所即集中火力催谷廣末師妹戶田惠梨香嘅演藝事業。