韓國6人女團A Pink今年6月起多次受到男狂迷嘅死亡威脅，令到佢哋現身活動時不時受影響。點知今日就再次傳出壞消息，成員夏榮因為患流感，而決席今日舉行嘅《MBC歌謠大祭典》，由於流感具傳染性，為免令到其他成員都傳染，所以A Pink全體都會缺席今日嘅《MBC歌謠大祭典》，但佢哋就會事前錄定影片向粉絲打招呼。

對於無緣亮相今日嘅《MBC歌謠大祭典》，隊長初瓏就非常失望，並於今日Instagram透露難過同抱歉嘅心情，直言本身已準備好舞台表演，但最終卻未能將表演帶給畀大家而大感可惜，又指原本考慮5位成員表演，但喺電視台方面來說就唔可能實現，所以最終就只可以缺席今晚活動，不過初瓏就指下月12號同13號，APink會舉行演唱會，到時佢哋就喺現場帶給大家精采嘅演出。


更多韓流，喺晒《娛果》 http://fb.com/appledailyent

【minigame】2017瘋暈人物 返工打機唔使擇日 http://bit.ly/2CeWQkP