周六喺台北田徑場舉行嘅世大運，女子100米欄複賽除咗香港「呂神」呂麗瑤之外，24歲澳洲選手珍妮琪（Michelle Jenneke），以及22歲嘅荷蘭選手韋莎（Nadine Visser），都係焦點所在！

珍妮琪喺2012年世界青少年錦標賽自創一套熱身舞，開賽前瘋狂扭身扭勢吸引唔少人注意，而佢喺女子100米欄複賽第三組跑出13秒55，總成績以第六名晉級。至於早前俾荷蘭駐台機構fb介紹完之後爆紅嘅仙氣女神韋莎都唔只得個樣，佢喺第一組輕鬆跑出13秒17，以總成績第一殺入決賽，極大機會企上頒獎台。

較可惜嘅係，「呂神」喺複賽第三組跑出14秒07，總成績排19無緣決賽。