記者日前往醫院探望珊珊，她連日來因為發燒不適，沒有上課。「最近醫生同珊珊減氧氣份量，可能佢唔適應，呢幾日都發高燒，又胃出血，啱啱至洗完胃，我見佢咁辛苦，所以呢幾日都冇畀佢上課。」周太一臉憂心地說。
靠儀器維持呼吸
珊珊患最嚴重一類的脊髓肌肉萎縮症，除四肢萎縮外，需依靠各種醫療儀器維持心跳和呼吸，故自3歲開始，她便要長期留院，無法到學校接受正規教育，需由「紅十字會醫院學校」安排導師，在醫院接受個別授課，每星期上課五天，每天上三堂，目前已達小學四年級程度。
周太表示：「呢個女其實好聰明，加上本身鍾意讀書，所以成績唔錯。佢最鍾意常識科，每次考試都攞A；呢幾年，佢已經學識好多字，𠵱家重識得睇報紙。」
獲導師個別授課
奈何，近月珊珊在學習上遇到困難，令小妮子大感不快，她扁着嘴說：「姐姐，我部手提電腦壞咗，做唔到功課，又玩唔到遊戲。」
珊珊因為雙手嚴重萎縮，僅餘幾根指頭有輕微活動能力，因此無法像正常人一般執筆寫字，平日學習必須輔以一部手提電腦。多年前，珊珊獲電腦公司捐贈一部手提電腦，解決書寫問題，惟該部電腦數月前壞了，已到達無可維修地步。