【睇住武器先】古天樂唔夠高演呂布 「關羽」韓庚差啲乜？

蘋果日報 2018/03/19 12:30

真．三國無雙影視娛樂博覽韓庚古天樂張建聲電影
    古天樂、林雪、韓庚、張建聲、呂良偉、老闆蕭定一、導演周顯揚今日在灣仔出席影視娛樂博覽，宣傳遊戲《真．三國無雙》改編真人電影版。
    之前已經流傳過幾個角色造型，今日「呂布」古天樂、「關羽」韓庚、「張飛」張建聲同「袁紹」呂良偉只係拎住自己嘅武器上台，冇得睇啲戲服跟足原作幾多成，不過喺預告片入面，就見到韓庚揮把關刀，打到啲卒仔飛起晒。
    古天樂話自細就係三國fans：「由細打到大，呂布最好打，又高人一等，我要去增高。」司儀不停追問佢兩條翎子（即係呂布頭上戴住嘅兩條鬚），古仔有啲唔耐煩：「其實我個頭飾好高，冇乜人掂到我兩支嘢，不如唔好咁集中講我兩支嘢。」
    韓庚話為咗演好關羽，提前幾個月健身，要特別練習咗點樣耍關刀，古天樂讚韓庚身材好，又話最後有一場韓庚除衫同佢對打。演張飛嘅張建聲又次為咗拍戲增肥，佢話要戴好重盔甲同假肚臍，事前已經增肥咗15磅。
    古仔噚晚喺導演會再開金口，佢話：「大家開心，氣氛好好。」會唔會歌癮起再唱？古仔：「我都唔想㗎，咁佢哋叫我唱嘛，最驚大家覺得難聽，希望大家多多原諒。」
    至於呂良偉就話袁紹係一個富二代，要演到骨子裡有傲氣，韓庚健身，古仔要增高，咁袁紹要咩呢？佢話：「我冇咩特別，日日都做健身，即使要我show body都冇問題。」
    精選娛聞，喺晒《娛果》
    http://fb.com/appledailyent
    empty
    攝影：陳慧安
    empty
    古天樂等為《真．三國無雙》電影版宣傳，今次睇到佢哋嘅武器。
    empty
    方天畫戟同青龍偃月刀都好大把，古天樂同韓庚話要練先耍得好。
    empty
    張建聲最投入。
    empty
    睇番預告片，啲CG同遊戲好似…
    empty
    古天樂自細就打機，佢話要增高先夠演呂布。
    empty
    韓庚提早幾個月健身。
    empty
    呂良偉話本身都有練開，不過今次唔使佢show body。
    empty
    張建聲又為咗拍戲增肥。
    empty
    林雪。
    empty
    導演周顯揚及太太杜緻朗
    empty
    empty