【蘇摩之別】揭寸王曼聯墮落之謎 魔兵練波搓馬騮都hea踢
蘋果日報 2020/06/20 21:00
曼聯摩連奴蘇斯克查寸王搓馬騮馬騮搶波
一隊波有冇士氣，氣氛融唔融洽呢，除咗睇佢地踢比賽之外，就係睇練波嘅時候喇。
近日有曼聯球迷就喺Twitter度post咗條片，係一班曼聯球員喺度練波玩「馬騮搶波」，不過條片前後半段呢就大不同喇！前半段係摩連奴時代嘅紅魔練波情況，見到一班球員求其踢兩腳，搶到就換人，仲要個個都冇神冇氣咁款。而後半段片呢就係蘇斯克查時期嘅「馬騮搶波」，見到個個one touch傳波，兩隻「馬騮」亦都落力好多，搶到飛鏟都出埋，睇落同前半段有天淵...呀唔係，係有「蘇摩之別」呀！
