占士洛迪古斯（J.Rod）今季由皇家馬德里外借去拜仁慕尼黑後，喺德甲上陣12場交出2入球、3助攻，協助衛冕嘅拜仁喺聯賽榜領先第2位嘅史浩克04達到11分之多。

雖然德甲宜家歇緊冬，拜仁亦要到1月12號先至再有比賽（作客利華古遜），但係J.Rod喺聖誕假期依然冇鬆懈，返咗祖國哥倫比亞嘅佢平安夜喺個人社交網頁post咗自己同囡囡溫馨過聖誕嘅相之後，聖誕日就已經同大家分享自己赤裸上身騷肌跑步嘅相，仲寫住話︰「12月25號都訓練，開心嘅一日。」J.Rod咁勤力，相信都係希望喺下半季可以繼續有表現啦。

----------------
BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKGMoubles are a distant memory.