【娛樂人物】景黛音教「仔」
叫姜濤唔使理人
蘋果日報 2019/06/19 02:20
景黛音姜濤退休女皇
景黛音曾經是不少70後的集體回憶，她在80年代尾結婚後淡出娛樂圈。神隱32年，她早前應ViuTV邀請復出，與姜濤在劇集《退休女皇》合演母子。放下昔日包袱的她坦言今次由零開始，和姜濤都是新人，更教姜濤做自己，不用理別人，「就算你幾完美，都一定有人睇你唔順眼，所以何必去計較？」
撰文：何慧斯
攝影：沈健程
撰文：何慧斯
攝影：沈健程
景黛音和姜濤日前在九龍灣受訪，雖然57歲的景黛音淡出娛樂圈已經有一段日子，不過她對鏡頭的靈敏度依然十分高，除了電話不離身，身邊總會有一塊鏡，每次影相前都會照一照，確保自己在最佳狀態。這塊鏡同樣是姜濤的恩物，二人輪流「互照」，人前人後儼如真母子。
景黛音教姜濤待人接物最重要問心無愧。
景黛音以新人心態復出，和姜濤合演《退休女皇》。
姜濤自言參加《全民造星》時，不太懂得和參賽者相處。互聯網圖片
劇組隨和意外減壓
對於今次與景黛音合作，姜濤直言比想像中輕鬆：「其實啱啱接呢套劇嘅時候，係比賽（《Good Night Show全民造星》）嘅中途，都唔知係咪應該開心，嗰陣喺度諗好似又有一樣嘢令我分心，覺得似乎幫唔到我比賽，一下子擔心自己處理唔到，點知最後呢套劇令我減壓。」他續說：「初初都擔心戲內同戲外都會有一個花姐，咁我真係會死！點知一埋位發現劇組嘅人好隨和，同我想像中好大分別。」
提到今次復出，景黛音笑說：「千祈唔好話以前係點樣，初初同金生（ViuTV高層金廣誠）講，今次要搵啲我唔識嘅人合作，大家都係由零開始，對大家嚟講係最好最舒服，我哋都係新人嚟！」問這位「新人」初出茅廬的感覺，她說：「好OK呀，佢哋個個都好nice。我個女今年都18歲，所以我當自己18歲同佢交流，唯一係唔習慣天氣太熱。」
見到姜濤在旁偷笑，景黛音說：「做人要保持心境輕鬆嘛，你係咪笑我呀？」正如景黛音所講，大家都以新人的關係相處，所以說話也比較直接，「其實出嚟做嘢，你點對人，人哋自然會點對你，我一直對人都係抱住真誠嘅態度，咁多年都冇變過，所以真係唔適合娛樂圈。」她望着姜濤說：「你唔好學我喎，冇人搵我做嘢，但你唔同，你仲後生，要做好應該做嘅事，好好享受每一刻，珍惜機會。」
提到今次復出，景黛音笑說：「千祈唔好話以前係點樣，初初同金生（ViuTV高層金廣誠）講，今次要搵啲我唔識嘅人合作，大家都係由零開始，對大家嚟講係最好最舒服，我哋都係新人嚟！」問這位「新人」初出茅廬的感覺，她說：「好OK呀，佢哋個個都好nice。我個女今年都18歲，所以我當自己18歲同佢交流，唯一係唔習慣天氣太熱。」
見到姜濤在旁偷笑，景黛音說：「做人要保持心境輕鬆嘛，你係咪笑我呀？」正如景黛音所講，大家都以新人的關係相處，所以說話也比較直接，「其實出嚟做嘢，你點對人，人哋自然會點對你，我一直對人都係抱住真誠嘅態度，咁多年都冇變過，所以真係唔適合娛樂圈。」她望着姜濤說：「你唔好學我喎，冇人搵我做嘢，但你唔同，你仲後生，要做好應該做嘅事，好好享受每一刻，珍惜機會。」
景黛音（右）拍過不少經典劇，例如與發哥和趙雅芝的《上海灘》。劇照
在84年劇集《鹿鼎記》中，景黛音飾演韋小寶七位老婆之一建寧公主。劇照
景黛音和姜濤鏡頭後都儼如真母子，相處融洽。
唔識同參賽者相處
姜濤說：「我嗰陣試過同佢講唔係好識同參賽者相處，佢就叫我唔理人，只要唔係做虧心事，做番自己咪得，人哋唔鍾意你，係佢嘅事。」景黛音說：「因為我覺得做人一定有人鍾意同唔鍾意，冇可能全世界都鍾意，就算你幾完美，都一定有人睇你唔順眼，所以何必去計較呢啲嘢？每個人都有權去揀鍾意定唔鍾意，我嘅選擇係過自己嘅快樂人生。」
《退休女皇》現正播放，姜濤希望知道外界對他首次拍劇的評價，但景黛音卻說：「一定有人話好，有人話唔好，所以根本唔需要睇。我發覺𠵱家啲人睇嘢好奇怪，專係睇人哋唔好嘅嘢，唔識得用欣賞角度去睇，所以如果唔鍾意睇咪熄機，唔好睇囉！」
服裝提供：[email protected]（姜濤）
《退休女皇》現正播放，姜濤希望知道外界對他首次拍劇的評價，但景黛音卻說：「一定有人話好，有人話唔好，所以根本唔需要睇。我發覺𠵱家啲人睇嘢好奇怪，專係睇人哋唔好嘅嘢，唔識得用欣賞角度去睇，所以如果唔鍾意睇咪熄機，唔好睇囉！」
服裝提供：[email protected]（姜濤）