【新增動新聞】
警員失控以言語挑釁示威者的情景不時可見，在理大內連日有留守者離開校園，但亦有零星示威者堅持留守，有傳媒亦拍攝到影片，有警員在理大校園外開咪出言挑釁，不但以「垃圾」形容留守者，更侮辱他們「冇腦」，甚至冷血嘲諷示威者只能食「冰冰冷冷的生命麵包」，但自己收工後則可到深圳食海底撈、飲冰凍啤酒。

根據《眾新聞》片段可見，在理大外圍駐守的警員不斷以大光燈閃射校園留守者，更開咪以非常激動的聲線向留守校園的人大叫：「我真係覺得你哋好垃圾......做又做唔掂！做又做唔好......我睇你哋唔起呀！唔係因為我同你政見唔同呀！唔係因為我同你立場唔同呀！係因為你哋做人冇原則！冇底線！冇承擔！冇責任感！同埋冇腦呀！」言畢即傳來其他警員的笑聲及掌聲，並附和高叫「冇腦！」

該警員又繼續開咪侮辱留守者，聲言留守者「刷新」了他們的人生觀及目光，指：「我唔覺得香港有人咁蠢㗎！」隨即有人再次附和稱：「讀屎片！」開咪警續說，近月發現香港受過9年、12年免費教育的人，其智商、分析及邏輯能力比沒受過教育的人更低，更指「董先生」已承認教育政策失敗，「教咗一班咁嘅人出嚟」，相信意指前特首董建華曾指其任內一手推行的通識教育是「徹底失敗」。該警更「寄語」留守者：「唉！自己懾高枕頭再諗一諗啦！唔好淨係收埋自己鍾意睇嗰啲嘢，接觸下出面多啲人嘅諗法，擴闊下自己嘅眼光，睇一睇其他人嘅文章，你會發現，原來你係錯得好緊要㗎！」

該警又警告稱：「你哋真係喺度發緊夢㗎！我話畀你聽，呢個夢好快醒，你哋全部就要承擔之前所犯嘅錯所帶來嘅惡果！」

片段尾聲，警員更冷血嘲弄留守者，指他們要食「冰冰冷冷嘅生命麵包」，即使要留守多個星期，警察待其他同事接更後，「我就上深圳食海底撈！嘩！諗起都正呀！有得飲冰凍嘅啤酒，而你哋就繼續喺度食生命麵包！......生命麵包喺垃圾入面見得最多真係，通常啲基層、拾荒者、老人家食，我覺得真係好可憐嘅一件事，尤其是咁冰凍嘅一個夜晚食生命麵包。」

《香港01》報道亦引述警方另一失控行為，指有警員周三(20日)在理大外「開咪」，向留守者嘲諷：「原來你哋妒忌，原來你哋連讀毅進嘅毅力都無，毅進係有毅力，要有進步先讀到，讀完之後你哋就可以攞到二萬五千蚊做一個警員嘞，你呢？」又指留守者薪水低、破壞中大及理大，誣衊他們「妒忌警察」，甚至稱留守者「憎人富貴嫌人貧」，更提到11.24區議會選舉，「你哋睇下24號嘅投票結果會係點！民意逆轉！」

-----------------------------
【民陣國際人權日集會】
日期：12月8日
時間：下午2時至6時
地點：維園
主題：守護香港．和你同行
＊不反對通知書申請中
-----------------------------
2019區選專頁
光復香港 11.24踢走共產黨
-----------------------------
【撐學生】
召集有心人 撐學生全年睇《蘋果》
立即按此
-----------------------------
百日特刊記載香港人逆權之路
《逆權百日》
《自由之夏》
《Freedom Summer》（自由之夏英文版）