日本組合AKB48嘅「第8屆AKB人氣總選」已於日前完滿結束，指原莉乃連任一姐寶座，佢以24.3萬票數打敗得17.5萬票嘅渡邊麻友，成為首位兩連霸一姐，由於歌迷要買碟投票，估計單喺指原嘅逾24萬票，已經可以帶嚟超過2億4300萬日圓（約1,800萬）港元收益，認真誇張。

雖然渡邊麻友喺總選連續2年輸比指原莉乃，不過喺剛公佈結果嘅「第4屆偶像靚女排行榜」，就由渡邊麻友成為冠軍，係佢自第1屆奪冠後相隔3年再奪第一位，而第二同第三位同樣係AKB家族嘅松井珠理奈同島崎遙香，反觀總選兩連冠一姐指原莉乃就20名不入，榜上無名。

AKB新歌獲選為夏天高校棒球賽應援歌，成員就以一身棒球look出席宣傳活動。