【韓流】舊愛姜素拉冇影 玄彬孖孫藝珍谷片撼趙寅成、池晟
玄彬談判孫藝珍
韓國電影圈聽日將會發生大戰,三大電影同日上畫,當中三片來勢洶洶兼卡士唔弱,包括有趙寅成、南柱赫及雪炫嘅215億韓圜(約1.5億港元)大製作《安市城》,仲有玄彬孖孫藝珍主演嘅《談判》及曹承佑同池晟主演嘅《明堂》,噚日《談判》同《明堂》同日就搞咗宣傳活動,勢爭做票房冠軍。
由於有三大勁片聽日上映,喺預售情況方面三部電影都不分上下,應該要到後日先會知道到底邊個會做票房冠軍。而孫藝珍、曹承佑同趙寅成當年就合作經典愛情片《假如愛有天意》,不過如今卻做對手力爭做票房一哥。
另外,噚日試映會就以《談判》嘉賓最強勁,當中玄彬同孫藝珍都有唔少好友撐場,好似孫藝珍就獲韓劇《經常請吃飯的漂亮姐姐》嘅丁海寅、鄭有珍來支持,仲有孫藝珍嘅圈中好友宋允兒、李貞賢、嚴智苑等。而玄彬方面亦獲新劇拍檔朴信惠及舊拍檔允兒來撐場,不過就唔見玄彬舊愛姜素拉來支持。
至於《明堂》噚日就搞咗個open talk活動,一眾演員都有現身為電影宣傳。
精選韓流,喺晒《娛果》
http://fb.com/appledailyent
孫藝珍、曹承佑及趙寅成曾合作經典愛情片《假如愛有天意》