【新增內容】

國家主席習近平傍晚到會展出席港府歡迎晚宴，喺致辭嘅時候，仲引述譚詠麟《創造命運》歌詞話：「自信好要緊，應該放開胸襟，願望定會一切都變真」

《創造命運》除咗係譚詠麟1984年大碟《霧之戀》中其中一首作品，仲係電影《上天救命》主題曲！而呢首歌嘅填詞人就係黃百鳴，今日《蘋果》問到黃百鳴，習近平有引述佢嘅歌詞，佢就回覆話：「這幾句話用在仼何人任何環境都適用。」至於譚詠麟同許冠傑演唱會總監蕭潮順，被問到有冇打算喺演唱會上唱《創造命運》時，就表示仲未決定，歌單將有待同兩位歌手開會再決定。

而譚詠麟表示：「對於習主席引用自己歌曲嘅歌詞深感榮幸，呢首歌由黃百鳴填詞，係一首電影主題曲，呢首歌能發出正能量，係目前港人最需要嘅。大家要深深理解習主席引用嘅歌詞，香港需要同國家互相配合，才能令國家取得更大成功。這樣嘅香港，明天才會更好。」

校長希望港人要放開懷抱，彼此包容，之前彼此間嘅撕裂，更需要喺包容同開放胸襟下好好修補。