有「天使面」之稱嘅16歲人氣偶像橋本環奈，年紀輕輕已迷倒唔少日本少男，呢兩年嘅工作量真係拍得住AKB48嘅一眾猛將。

橋本環奈最近又接新廣告，今次佢代言日清合味道杯麵，以可愛學生Look反轉校園，據知為呢次廣告，橋本環奈早於20日前開始練習當中場面，由於完全冇用CG加工，而好多鏡頭都要時間捕捉得啱啱好，所以總共拍咗600個take先至收檔。

其實合味道每年都搵嚟上位藝人任代言人，AKB多位主將都先後拍過一系統合味道廣告，另一女團電波組.inc上年都有拍廣告宣傳，但今年已被橋本環奈取代。