呢個租客唔知係好彩定不幸,好彩係可以續約,唔使周圍搵舖開張,食正世界盃條水;唔好彩嘅就梗係啱啱喺世界盃開鑼前至約滿,俾業主㩒住加租啦。
業主04年6月用6100萬買入個舖,舊租回報3.9厘,𠵱家續約升到7.9厘,認真和味。聽講業主諗住放售套現,叫價9500萬,計落都畀到新買家5厘回報,開價唔算好過份。
由於今年多咗好多商場加入迎接世界盃熱潮,好似信和嘅大角嘴奧海城商場,同新地嘅觀塘apm商場,都送嘢畀到場睇波人士,肯定吸咗一大批客,酒吧生意係點,睇怕都係「摸住石頭過河」。
電郵地址:
[email protected]