早年與太太周秀蘭離婚嘅演員劉少君，近年多喺內地工作，今年打算返香港開拍新戲，佢今日喺新城接受訪問，透露籌備開拍新戲，佢話：「我個契仔謝偉倫之前有首新歌《風不息》，仲拍咗一個微電影，我哋想改拍成為電影，依家做緊劇本。」

新戲將會同香港電影發展局合作，以父子感情為題材，劉少君話呢部戲甚具教育意義，傾劇本有計劃搵鮑起靜、謝安琪同蘇玉華。而喺《風不息》微電影中由佢同契仔演父子，問到電影版可會再參演，劉少君話：「最好佢做番，但佢個期好忙，而佢父親就負責做電影配樂。我未知會唔會演出，睇吓內地有說服力演員，視乎巿場情況。」