9歲小巨肺譚芷昀(Celine)嚟緊下個禮拜三(13日)喺《全美一叮》參加準決賽，正面同10歲勁敵Angelica Hale同台較量。

一直視樂壇天后Celine Dion做偶像嘅Celine妹妹，兩姊妹改嘅名同偶像一樣，揀嘅歌亦係《My Heart Will Go On》， 而每當Celine成功晉身下一輪賽事時，Celine Dion都會喺IG留言恭喜佢。

嚟緊Celine仲有機會親身見到偶像，今日有報道指自從參加《全美一叮》後，已獲多方邀約登台出騷，但礙於參加咗《全美一叮》關係，所以Celine推咗唔少工作，不過喺節目方同意下，Celine一方已開始斟洽幾個美國登台騷。報道指其中一個係拉斯維加斯賭場除夕騷，到時Celine仲有機會同偶像Celine Dion同台表演，而Celine嘅酬金可達600萬港元。 報道仲話，Celine喺準決賽當晚，有機會唱電影《護花傾情》嘅主題曲《I Will Always Love You》或者電影《人鬼情未了》嘅《Unchained Melody》，但最終都係要由節目組決定。