劉鑾雄曾經以3億1千萬投得法國印象派畫家保羅.高更畫作《清晨》，又以1億3千5百萬港元競投得安迪·沃荷創作《毛澤東肖像》。原來佢嘅紅顏知己之一呂麗君都鍾意買畫，但最近一次「輕手」好多。

張寶華同佢四歲姪女張詩晨最近舉行慈善畫展幫「惜食堂」籌款，啲畫已經賣哂，客仔包括呂麗君，但兩人原來唔認識，據講呂麗君睇到畫展報導，主動聯絡張寶華，結果揀咗張寶華畫嘅《蝶戀花》，價值3萬蚊，囡囡劉秀盈就揀咗張詩晨畫嘅《Donut》，價值2千蚊。

據講呂麗君買唔少價值連城名畫，但藝術唔可以用錢衡量嘅，而呢幅蝶戀花浪漫之餘又善事，好值得喎。八方唔係專家，但相信呢幅畫有裸背，田少應該鍾意，因為佢買咗另一幅《菊花一樣的女人》，但聽講佢「投訴」畫中人太保守冇嘢睇喎。