早前香港摔角手何顥麟同李杰森歷史性代表香港喺美國奧蘭多市，出戰由世界最大嘅摔角聯盟世界摔角娛樂（WWE）舉辨嘅世界輕量級經典賽，第一回合比賽已經喺上周四舉行錄影，喺七月中就會全球透過網上電視播出。
今日佢哋二人將會由美國返到香港，隨即就會喺夜晚七點於柴灣青年廣場舉行香港「摔角之王」嘅比賽，屆時將會有五場賽事，而最後一場就會喺由何顥麟同李杰森合演嘅AWGC輕量級爭奪戰。