本着追落後概念揀馬房賭，季尾應可靠高伯新、呂健威甚至文家良所斬獲，唯獨應有更強反彈力的蘇保羅，表現仍是強差人意，4月至今蘇保羅只取四Win，而當中三場由「金地飛客」取得，亦即差不多全倉9成以上馬匹，已兩個多月零頭馬。

其他馬房戰駒在同一時間，卻連場拚搏，用了體力兼換來加分。究竟目前蘇保羅馬房運作出了問題，現階段喪失了數糊能力，抑或他決心忍埋這一個月，為下季大反擊多儲子彈？蘇保羅今次排出強陣，最終表現如何，上述問題應可找到答案，馬迷如要追蘇廐落後的話，今戰可能係入市最好時機。

周日（18日）第二場五班1800米草地賽，「友瑩采」大前仗於555場角逐此程，拉士800米造出極佳段速奪季，同場有多駒繼後不勝有位，反映這席第三相當硬淨，奈何馬房其後兩場安排該駒縮程跑谷草一哩，又遇上更慢步速，最終太遲撻着，實際「友瑩采」仍是交出理想末段，今次終於重返田草1800米，只要步速正常一點，應可為蘇廐大出擊展開序幕。