昨晨葵涌梨樹路發生恐怖車禍，令死命護着B女的好媽媽斷腳變成傷殘，《蘋果》取得車cam片段，拍攝到事發一刻寶馬鏟上行人路的經過。據提供片段的目擊者李先生表示，當時他駕車沿經葵涌梨樹路，剛好尾隨肇事寶馬，他直言事後見女傷者傷勢嚴重，「嗰一刻都唔知點幫佢」，又慨嘆：「慘啦，咁樣冇咗對腳。」

李先生講述事發經過：「見到佢(寶馬)炒咗上去(行人路)，車速唔係好快，但係唔知搞咩……？我見佢架車想扭返過嚟，但炒咗上燈箱。」李續指現場路段是微微右彎，「但(寶馬)冇右轉，(司機)發現嘅時候有攞軚，(寶馬)後尾燈着咗應該有煞車，但煞唔切啦。」

事發後，李先生立即將自己的私家車停在前方，並跑落車往查看女傷者傷勢，並協助報警。李自言學過急救，但此刻所見女傷者傷口太大狀甚驚嚇，「嗰一刻都唔知點幫佢」，又形容當時見女傷者「腳都變咗形，腳掌傷得好嚴重，斷晒㗎……，佢(女傷者)瞓低咗，攬住個BB。」

當時李先生見肇事的寶馬司機亦立即下車，跑去查看女傷者的傷勢，並手持電話。李先生憶述，聽到女傷者着寶馬司機代為致電其丈夫及親人。其後救護車很快到場，李引述當時女傷者表現冷靜，「(佢)攬住BB都冇嗌嘅，冇喊晒口，都好鎮定。白車嚟到，救護嚟到，(佢)叫救護員睇咗小朋友(有冇受傷)先。」

李直指女傷者當時已知道自己傷勢嚴重，曾表示「隻腳冇咗」，但仍第一時間在意小朋友先，令他相當感觸。

你敢爆，我敢獎！ 即Call《蘋果》24小時爆相爆片熱線 ：63836568