中國雲端服務發展迅速，對數據中心設施需求殷切，萬國數據作為中國嘅龍頭，按2019年的收入計算，於中立營運商市場中佔有率達21.9%，收入增長達47.6%，而且專注於高性能數據中心，發展錢景同前景都唔錯。

萬國數據為中國最大第三方營運商網絡數據中心服務提供商，以及全球第三大數據中心供應商，公司佔2019年營運商中立市場收入達到21.9%的市場份額。公司自2011年至2016年度，泊到阿里雲及騰訊雲呢巨無霸戰略客戶後，公司持續增強對大型企業嘅專業服務能力，更加與中國主要嘅公共雲供應商及互聯網公司保持緊密關係。

睇返艾瑞諮詢嘅數據，中國數據中心未來會急速發展，喺2019年按收入計，中國數據中心服務市場嘅總規模達到334億元（人民幣下同），其中營運商中立市場為188億元，佔市場總額的56.3%。從2019年到2024年，中國營運商中立市場嘅年均複合增長率（Compound Annual Growth Rate，CAGR）為31.8%，遠高於同期美國市場9.3%。

萬國數據今年第三季收入按年上升43%至15.25億元人民幣，較市場預期高出4%及3%，其中服務收入按年增長44%至15.22億元人民幣。至於季度經調整EBITDA亦按年上升48%至7.17億元人民幣。萬國數據擁有清晰定單能見度，公司提供予下游「基礎設施即服務」(Infrastructure as a Service，IaaS），供應商同時取得捆綁式優勢，預2021年至2025年，可贏得大量定單，預期公司2020年至2022年的EBITDA嘅CAGR為41%，高於行業同期嘅30%平均水平。

集團嘅客戶基礎強勁，在建機房中62.3%已獲客戶預先簽約，確保未來銷售及縮短回本期。數據中心服務嘅轉換成本高，大型科網企業均慎重選擇供應商，除咗確保數據中心嘅選址及性能外，亦要考慮未來擴張能力，以滿足日後需要。所以萬國數據亦積極透過合資及收購擴張，最近喺北京通州區開發數據中心及收購北京順義區嘅數據中心。喺資源擴張及強勁客戶基礎下，市場預料集團至2022年嘅收入會較2020年再累計倍增。

半新股上市後急升回吐，股價於90元以下整固，待收集完成，成交增加配合下可再展升浪，可於87至89元收集，按大行目標價110元，先博重返前高位100元， 跌穿83元止蝕，較進取可按上市低位81元作止蝕。

古天后

-----------------------------

專家開講「經營網店秘技」

助你數碼轉型 靈活處理現金流

立即參加【生意做盡全世界】營商FAN享會

-----------------------------

掌握理財智慧 感受生活品味

investMAN全新網頁 優雅登場

-----------------------------

部署退休 輕鬆達至財務自由

點擊即睇《退休理財天書》

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！