DR醫學美容案負責療程的女醫生麥允齡，經重審後被裁定誤殺罪成，判監3年半。案中受害人之一王靜波得悉判決後接受《蘋果》訪問時直斥，「便宜咗佢，一條人命，再加上我真係活死人咁，半死不活，佢只係判3年半，我真係覺得便宜咗佢」。

DR事故導致王靜波終身傷殘，事發後要截去一雙小腿及四隻手指，雙腿裝上義肢，要坐輪椅。今年10月，坐輪椅的她亦曾在麥允齡案中出庭作供。

事故至今已8年，但王靜波身心已無法回復正常，被迫放棄小學教師的工作，要依賴別人照顧，無法工作下已耗盡畢生積蓄，只能依靠政府的傷殘津貼過活。

「我成個人生都變晒，我遭受嘅一切，都係因為佢哋嘅所作所為，改變咗我嘅人生」。王靜波表示，對判決有點失望，認為判刑不能反映麥允齡的失德，「佢呢個醫生一點責任心都無，單單判佢3年半，太便宜佢」。麥允齡的判刑，對她來說絕非事件終結，因為事件中刑事部份處理後，可以進入民事索償程序。

「我而家叫天不應，叫地不聞，8年嚟積蓄用盡，呢啲日子都係佢哋造成」，王靜波說，即使獲得賠償，只能令她生活過得容易一點，但失去的健康無法挽回。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！