林子博喪妻後唔想睹物思人 帶仔女拍廣告分散注意力
蘋果日報 2020/12/12 17:22
林子博董燕君
林子博的太太董燕君（Shirley）去年確診罕見癌症「平滑肌肉瘤（腹腔）」第四期，今年年初病情漸漸穩定，可惜Shirley於10月底不敵癌魔病逝。原來子博在愛妻離世後，因不想留在家睹物思人，故強忍喪妻傷痛與一對仔女拍廣告。
子博今次與囡囡詠渝及囝囝卓楠拍的廣告，雖然早已定拍攝日期及場地，但Shirley在拍攝前幾日卻不幸病逝，廣告商因非常體諒子博，主動提出取消拍攝，不過子博卻堅持如常開工，皆因他指因太太離世後，不想留在家睹物思人，故希望帶同仔女出外透氣之餘，順便分散他們的注意力：「始終太太走咗都唔想成日喺屋企對住四幅牆，睹物思人。帶啲小朋友出去唞吓氣、行吓街，分散注意力。」而身為爸爸的子博認為太太離世後，亦要着重小朋友的情緒：「帶咗佢哋去大棠騎馬，帶佢哋餵羊，希望生活盡快回復正常。最緊要睇返小朋友嘅情緒，關注返佢哋。」
拍攝當日，子博的仔女聽話又乖巧，加上曾有演出經驗，所以令拍攝極其順利。今次的廣告中，有三人一齊躺於床上睇電話、又有子博捧蛋糕畀囝囝時被水槍射臉，非常溫馨。而子博亦笑言拍得好開心，皆因今次的拍攝講對對白的壓力：「平日我要篤住佢哋背稿畀反應，今日呢個宣傳片正呀，係冇對白，對我就冇咗呢方面壓力，小朋友都做得好開心。」對於仔女今次的表現，子博更足畀9分：「佢哋好自然，做到導演要求，同埋聽話唔嗌交，因為平日佢哋成日嗌交好煩，阿仔又郁手郁腳，家姐好怕佢呢啲嘢，今日算係合作，畀面我。」
對於仔女的表現，林子博畀足9分。
子博表示妻子離世後，亦要注意一對仔女的情緒。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！