當年今日

【短片】賣書賣到賣零食傳統小書店掙扎求存

蘋果日報 2015/09/30 06:00

零食村上春樹書店連鎖書店開益書店伊紀國書店楊淑君樂文書店林璧芬

連鎖書店尚可轉型吸客,傳統書店卻只能於夾縫掙扎求存。銅鑼灣開益書店近年生意一落千丈兼面對加租壓力,日前於facebook發文預告隨時倒閉,幸仍有人珍惜這份書卷味,有讀者跑來買書支持,更有商場邀約加盟。日本伊紀國書店更直接向網路店挑機,幾乎買斷村上春樹新書《職業としての小說家》,抗衡競爭。

收銀櫃檯旁的飲品與精品,是銅鑼灣開益書店轉型的痕跡。5年前頂手書店的楊淑君表示,生意額由最高峰時每月達數十萬元,跌至現時僅十萬出頭,而租金自2012年已加逾四成,每月近七成收入需用作交租,「業主睇住隔離Salon個價去比,賣書賺得微點同佢比」。

記者訪問當日,半小時僅得5人進店。楊淑君坦承閱讀風氣轉差,自由行收緊後連買禁書的內地客都絕跡,半年前一度要兼賣零食幫補,卻被熟客斥「墮落」,「我夠知違背搞書店嘅理想,但你要生存就要諗辦法」。

一樓舖面租約明年屆滿,楊淑君引業主稱租金「無得減」,迫於無奈於facebook發死亡預告,意外帶來生機。她指有中環及尖沙嘴商場業主主動邀請加盟,希望保留懷舊小書店,「叫做仲有一條路,但為咗一班熟客最想都係留返喺度」。

從地下搬到二樓,再搬上三樓,主打台版書的樂文書店銅鑼灣店亦為生存而打拚。經理林芬直言即使開在三樓,租金仍佔成本達三成,「見到你有名氣仲收你貴啲,呢度租金貴過其他三樓舖」。

林璧芬指出,都市人寧願看手機都不願拿起書本,客人僅得過去四分之一,但大書店如誠品可利用資源轉型賣百貨,而小書店只能靠參加書展、學校展銷等,令更多人認識,同時推廣年輕人閱讀文化,「希望製造生存條件做落去」。

遠在日本書店為生存亦奇謀盡出。上月伊紀國書店買斷村上春樹新書《職業としての小說家》九成初版作品,令網絡書店幾乎無貨可賣以抗衡競爭。

記者:佘錦洪