哈爾濱電氣(1133)啱月頭創咗金融海嘯以嚟低位,每股現金值,講緊係現價3.4倍,誇張得很。
哈電到上年尾,揸現金161.6億元人仔,折約190.2億(港元.下同),連埋年頭完成向母企配發內資股集資15億元,家陣現金達到205億元,哈電家陣總市值得47億元,現金係市值4.4倍。以哈電上年年報資料做準,集團總借款約39億元,計計數,哈電家陣淨現金166億元,或每股9.7元,係哈電現價2.84元3.4倍!
哈電呢個月頭見2.22元,創咗08年環球金融海嘯以嚟新低,呢期小型反彈,亦唔係比海嘯價差得好遠。哈電股價差到冇譜,同集團上年業績倒退超過50%有關,但咁睇,哈電現價PB得0.25倍,比上市以嚟平均0.88倍,平咗近72%,喺電力設備股當中,冇邊隻夠哈電平。