【久未露面】唐麗球上倪詩蓓節目 大爆當年台灣打工史
蘋果日報 2020/06/20 10:22
唐麗球倪詩蓓
久未露面的藝人唐麗球（波波），昨晚應倪詩蓓邀請現身新城接受節目訪問，她透露跟倪詩蓓識於微時：「我仲讀緊書做model嘅時候已經同佢一齊影姊妹雜誌，後來又同一間經理人公司，仲一齊去過台灣發展，同佢好熟㗎。」
節目中波波分享以前在台灣工作的點滴，她表示當時正值80年代尾，市道風光亦都相當複雜：「都有啲驚險嘢㗎，試過做完嘢喺當地disco玩，我哋喺間房度飲酒傾偈，突然間有個大哥走入嚟，應該飲大咗，要捉我去食宵夜，我嚇到唔知點應對，好彩有其他人幫我解圍。」
提到早前因應疫情嚴峻，自己都盡量減少外出，連本在加拿大升學的囡囡亦回港避疫情，波波說：「4月已經開始叫囡囡返嚟香港，依家見情況好返啲 ，星期日佢就會返去啦，到時都要預留時間喺當地單獨隔離完先再開學。」
提到老公吳毅將，她透露老公早前因工作關係已經返回大陸：「佢而家啱啱隔離完14日，跟住先至可以接工作，否則完全接唔到，傾唔到任何嘢。」波波又透露，早前因疫情而延遲的慧妍雅集活動，現在暫定於10月再舉行，她說：「會一路開始籌備，始終成個上半年咩都冇做過，淨係有聚埋一齊派口罩。」
-----------------------------
久未露面的唐麗球（波波），昨晚應倪詩蓓邀請現身新城接受節目訪問。
早前疫情嚴峻，波波在加拿大升學的囡囡亦回港避疫情。