馬屎埔位處新界東北發展地帶，近年遭地產商不斷收地，村落面積縮小，更面臨滅村。村民保家衞園，沒有文鬥武鬥硬對抗，反使用軟手法。他們營辦有機農場，帶領外人夜賞村內小動物或烘製麪包，向地產世界呼叫：「農業也是發展，我們有權選擇最適合自己的生活。」
「香港人好似只係會睇錢。土地只係用嚟起樓搵錢，生活只係得錢。」村民Becky認為生活應有自主權，「應該有得揀，有alternative（另類選擇）」。Becky指「四叔」李兆基的恒基地產，委派「艇仔」近年積極收地，村內八成地皮已歸旗下，現時僅餘約100戶，較全盛時減少起碼一半。她認為地產商刻意製造陰森景象，「收地後亂咁拆屋，囤積地皮又唔用，只插咗過百塊木牌宣示主權，任由空地生草，整條村莊好似快清拆」。