由韓劇《奇皇后》女星河智苑、姜敏赫主演嘅MBC《醫療船》，前日受罷工影響而發生放送事故，不過好彩噚晚播出第7、8集時冇事，而第8集尾段河智苑演技大爆發，攬住母親嘅遺物爆喊，呢幕除咗交代河智苑性格變化嘅原因外，更刺激收視上升，第7、8集收視分別係11.3%及13.0%，帶挈《醫療船》繼續做收視冠軍。至於同時段播出嘅《再次重逢的世界》就以5.7%及6.4%收視率排第二，而金在中及UIE主演嘅《Manhole》再次跌穿2%，以1.8%收視率包尾墊底。

另外，河智苑有份演出嘅新片《追捕》列入威尼斯影展非競賽單元，日前佢晒腿出發前往威尼斯參加首映活動，今日凌晨透過Instagram上載於當地嘅相，當中包括佢同吳宇森導演及其他演員嘅合照。