康泰旅行社老闆黃士心早年培育大仔黃進達（Jason）承繼旅行社盤生意，Jason亦越來越有大將之風，黃士心可以放心享受退休生活。

早排見到黃老闆，佢話準備出書，教人周圍旅遊嘆世界之餘，仲特別介紹每個地方嘅高爾夫球場，唔單止講飲飲食食、濕平咁簡單。黃老闆做咗旅行社幾十年，應該環遊世界咗幾轉，寫旅遊書絕對冇難度啦。聽佢老人家講，佢打算逐個地方出一本書，首先講馬來西亞，估計呢個月底就有得賣，之後就講台灣、新加坡。坊間嘅旅遊書林林總總，多數教人搵食、嘆spa、濕平咁，黃老闆出名多諗頭，除咗教搵食，佢會特別寫每個地方嘅高球場，家陣咁多人玩高球，呢個賣點唔錯。