當年今日
關於我們

羅家英撐阿姐敢言

蘋果日報 2018/01/24 00:00


羅家英、麥長青(麥包)及郭思琳等前晚到旺角出席電影《西謊遊記之唐僧踩錯界》煞科宴,戲中有幕是家英哥和郭思琳嘴對嘴同食一塊光酥餅,家英哥笑言戲假,所以汪明荃(阿姐)不會呷醋。
提到阿姐在台慶頒獎禮當晚發表的言論,家英哥說:「佢講得唔夠激,應該大膽啲講,無綫想好,就要聽佢講,話晒老臣子做咗50年,而且講出嚟係為員工好,人工唔好咁少,啲人會走。唔同山頭,代表好多大王霸山頭,嗰啲係賊頭。最慘就係演員,要公司畀機會,出去打山頭至可以搵到錢。」麥包亦大讚阿姐:「阿姐至有格去做,代表藝人心聲。」
採訪:張俊銘
攝影:陳慧安
empty
羅家英在新片中與郭思琳嘴對嘴食光酥餅,笑言阿姐不會呷醋。