周末賽馬編跑兩泥八草，用季初有得追的Ｃ加三跑道舉行，編有三組直路賽，跑道窄排內檔馬絕對唔吃虧，末段有得追。兩場泥地都跑一哩，天文台預測會有雨，或許對場地有影響。

第六場四班草地1400米，沈集成馬房的「自動波」體形單薄，上季體重有起有跌，直到季尾，演出水準穩定了，在同程連拼三仗，都有穩定演出，闖入二至四名，負於「承你所願」而壓到「常豐裕」，表現已甚佳，身處四班負輕磅，應該不愁寂寞；今季復課「自動波」循序操練，沈集成已掌握馬性，作適當安排，受操馬身唔瘦，微升六磅係好現象，埋門試大閘有前有後勝出，配巫顯東負超輕磅，有機會贏番仗。

同場「勝利專家」已跨季四度上名，排位朝落草地快跳，身靚好墜手，可惜孭重磅，仍是位望較高。「鑽飾傳奇」早段太被動，今仗強配莫雷拉未必墮得太後。「八心之煌」加盟羅富全，埋門試閘追勁強，有點眼前一亮，出戰1400米是首本路程，最佳冷腳。「連利進寶」有態實力見盡，限於爭三四名。「佳運來」試閘有追勁。「放眼量」試閘乏力墮退。