【偷嗒松岡心情靚】洗米華祝酒笑騎騎 仲想「隊」千嬅…?
余文樂千嬅洗米華樂哥哥
澳門古天樂——洗米華(周焯華),明明唔係明星,但佢嘅矚目同吸睛程度,超越咗好多明星,好似話,最近佢同松岡李那喺呢個夏日熱辣辣好熱嘅夏威夷攬腰共舞,已經足夠令花生滿地。
今日洗米華又出嚟喇,但佢身邊嗰個,已經由松岡變成另一位人妻…楊千嬅,因為兩人應邀出席第二屆澳門國際影展暨頒獎禮記者會,影展將於今年年底喺澳門文化中心舉行,地點係澳門文化中心。
楊千嬅嘅身份係明星大使,今日台上與洗米華祝酒,洗米華一乾而盡,又示意千嬅飲勝,但女方都只係保持笑容keep住養魚。問兩人可有傾合作?千嬅話有嘅。提到洗米華頭先好開心喎,千嬅好識做咁避開話係關個影展事啦。再問佢知唔知洗米華有新緋聞、所以咁開心?佢話:「應該冇嘢困擾到佢嘅,佢係好開心呀。」又反問記者:「咩嚟0架?」聽完之後又話:「我真係唔知喎,我依家仲喺澳門,真係唔知呢啲嘢喎。」
喂,單嘢上個禮拜喇喎…而且……人在澳門冇關係0架,都上到網0架嘛!