陳瀅同師妹「文青女神」袁澧林今日喺將軍澳出席聖誕芝士城揭幕禮，講到聖誕節，陳瀅就話好想同幾個加拿大朋友去日本，事關習慣每年都會去一次日本旅行，佢仲話：「我上年都係喺日本過白色聖誕節。」

問到係咪同舊愛何猷亨一齊過﹖陳瀅面有尷尬之色咁話：「係啩，你哋仲清楚過我。」再去日本會唔會觸景傷情﹖陳瀅話：「每年聖誕都可以有新嘅回憶。」怕唔怕新嘅回憶冚唔到舊嘅回憶﹖佢認為開心回憶記住就ok。陳瀅透露現時冇人追，好enjoy單身同工作生活。講到佢早前想參加speed dating，唔知佢去到日本會唔會參加﹖佢就話：「唔會喇，因為我唔識日文，我理想speed dating係外國，最好係歐洲。」

至於袁澧林就話好鍾意離島，所以習慣每年聖誕節去長洲，相信今年亦唔例外，佢仲話：「同中學朋友去，有冇拍拖都會一齊去。」圈外男友唔詐型﹖袁澧林話：「冇，佢明嘅。」