18歲那年，徐天佑同黃又南組成Shine，18相送後時日如飛，明年是Shine成立15周年，兩人重組於3月踏紅館舉行「Shine Moments Live演唱會2018」，由當年0靚仔變34歲熟男，樣子零變化，天佑更為上紅館地獄式操弗：「0依家差唔多瘦咗20磅，頭一兩星期瘋狂快地瘦10磅，營養師話唔可以再瘦，唔食嘢你會死。」

有冇瘦到嚇親老婆？天佑笑說：「就係上次演唱會，我成日夜返，佢喺張床瞓瞓吓覺，一望我，佢唔認得我：『嘩，點解變咗樣㗎！你唔好再瘦嘞。』0依家就唔會嘞，唔使迫到自己咁樣。上次10周年可以完成夢想，嗰次係落力到不得了，我係絕食為咗上台騷肌肉，呢幾年儲到好多嘢，希望大家睇到好騷。」

入行轉眼15年，有乜想同當年18歲嘅自己講？又南坦言：「嗰時真係太細個，好多嘢好順利，覺得理所當然，經歷過之後，呢行係要積穀防饑，一定要不斷增值，如果唔係冇進步，留喺度嘥時間。」天佑則說：「記得嗰時18歲出道，成日話呢行係遊樂場，好開心，但過咗幾年，我同經理人講，呢度係一個戰場，但咁多年後，畀我講番句，真係要當呢度係遊樂場咁玩，先至會有意義。」

當年點解離開呢個戰場？天佑說：「首先經歷公司變動，而我哋去完台灣返嚟，出到街，啲人好似唔係好認得自己，因為太耐冇出新歌，唔知點去繼續打呢個市場，不如停一停。」又南說：「嗰時我哋覺得為做而做，上到台好刻板式唱歌，去到樽頸位要消化。」有冇試過灰心失意想轉行？天佑坦言：「我記得我試過，出道時最想有home studio，結果真係畀我儲到錢，喺屋企使好多錢去做，到06、07年決定唔做音樂，將屋企啲機啲線抆晒塞入床下底，有個心態好似情侶分手咁，跟住我走去寫下小說做幕後，兜兜轉轉又做番幕前。」又南說：「我又冇諗過轉行，因為我好鍾意呢行，我係坐唔定啲人，你叫我返朝九晚五，我諗一早已經炒老細魷魚。」

樂隊組合通常因不和而拆夥，兩人有冇試過反面？天佑說：「以前試過出騷彈唔彈結他、唱邊首歌，大家喺車度不瞅不睬。喺日本特訓時，因為生活習慣好唔同，試過嗌交佢話去助手度住，唔會嚟我度食飯，自生自滅。」天佑笑問又南：「你記唔記得我哋點講番嘢？過咗個幾禮拜，有日放學大家喺劍擊舖撞到，我話：『打機呀？』你話：『你0依家同我講嘢呀？』小朋友咁，之後大家原諒大家。」

再15年後，Shine會點呢？天佑說：「記得有個做舞台劇朋友話：『喂，你60歲時唱《燕尾蝶》會點呢？』我即刻思考，60歲唱《祖與占》會點呢？所以如果話15年後，好期待見到呢個畫面，亦希望喺事業上家庭上更加穩定明確。」又南說：「我諗對工作熱誠更加犀利。」

攝影：仇志德
攝錄：馮峰、卓振輝
髮型：Louis Tse @Number 8 Hair Salon
化妝：Henry Tse @BigCstyling
服裝：initial Fashion

更多娛聞，喺晒《娛果》
http://fb.com/appledailyent
【我們的演唱會1】72歲葉振棠潮玩電動車航拍 盼搬上紅館舞台
http://bit.ly/2wJxhIp
【我們的演唱會2】江若琳露腰開騷 許志安救一命？
http://bit.ly/2gmzKOA
【我們的演唱會3】劉美君遇難越興奮：要用腦去諗嘢
http://bit.ly/2z9KSpK
【我們的演唱會4】小背心李彩華開騷怕狂喊 想榮休搵人嫁
http://bit.ly/2kRQjqX
【我們的演唱會5】at17嗌交：唔了解對方付出 唔妥講出口
http://bit.ly/2wYuaJb
【我們的演唱會6】25年後重遊《大時代》舊居 周慧敏最愛「慳妹」
http://bit.ly/2lgCDq3
【女神做過壞事 】開騷多得倪震？周慧敏：佢唔阻止我已經係最大嘅支持
http://bit.ly/2lcm0vt
【我們的演唱會7】湯寶如剷短髮爆喊 唔係想做王菲憶蓮就得
http://bit.ly/2lezu9Y
【我們的演唱會8】盧巧音與夫齊患情緒病 遺撼《好心分手》後懶散十年
http://bit.ly/2A9dPUu
【我們的演唱會9】陳柏宇紅館騷寫明要露波？唔Like但Hit嘅歌係…
http://bit.ly/2jTNx4G
【我們的演唱會（10）】吳浩康做錯嘢被前經理人侮辱 Fans撐上台
http://bit.ly/2APlvvr
【我們的演唱會（11）】衛蘭「諗」住攞女歌手？ 跳出舒適區挑戰...
http://bit.ly/2AinPKg
【我們的演唱會（12）】堅持靠自己 JW慶幸及時遇到新東家
http://bit.ly/2BikJtx