最新的勞福局副局長何啟明、財庫局政助葉俊廉嘅利益申報都公開咗。民建聯出身嘅葉俊廉果然唔同啲，年紀輕輕，已經有樓喺手。至於何啟明就同佢做議員嗰時一樣，都係一層樓喺手咁咯。

葉俊廉今年28歲，入政府前做過港交所助理副總裁。根據佢交嘅利申，未婚嘅佢全資擁有一個大埔區嘅住宅，用嚟自住，此外，佢係香港金融青年會常務秘書長，同埋香港青年協會青年服務諮詢委員會委員。同佢兩位上司，財庫局長許正宇、副局陳浩濂相比，葉俊廉係削啲㗎喇，許正宇淨係喺灣仔都有3層樓，中西區、澳洲、杭州亦都有樓，陳浩濂就喺油尖旺區同埋深圳寶安區有樓。

至於何啟明喺立法會份舊利申只係話自己有一層樓，做咗副局就寫得仔細啲，寫明層樓喺油麻地，同時亦披露咗佢太太叫做朱心曲。如果同管錢嘅財庫局比較，勞福局問責班子再削啲，局長羅致光、副局長何啟明各自都係得一層樓，政助馮興禮反而喺南區同上海都有樓。

-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多