「𠵱家好多產品都以『偽科學』姿態出現,就算現場示範係work,都要清楚點解,仲要識得問:擺落人體係咪有一樣效果?」劉燕卿提醒消費者,要加倍留意標榜全無副作用的瘦身產品,「美國有啲廣告仲禁止用『絕無副作用』呢啲字眼㖭,因為呢個賣點好值得商榷。」
香港醫院藥劑師學會藥物教育資源中心教育總監崔俊明強調,專利只代表配方不可被抄襲,與產品功效毫無關係;此外,市民也要留意標榜FDA(美國食物及藥物管理局)認可的字眼是針對產品,抑或只是產品其中的有效成份;所謂的臨床測試則要看參加人數、背景及曾否在國際醫學期刊發表。
不過,崔俊明總結稱,幾乎所有非醫生處方的瘦身產品都沒有科學根據,欲減肥應諮詢醫生,「如果真係咁有效,點解唔註冊做藥物?」