周奕瑋（Jarvis）今日在新城接受訪問，提到他主持的旅遊節目《周遊關西》，都是由他自己負責資料搜集，Jarvis表示：「今次約關西嘅地方，反而遇到好多碰釘，尤其係京都，佢哋覺得太多遊客，可能都未必消化得到，所以會拒絕我哋嘅拍攝申請，最痛苦就係每日開會都會有呢啲噩耗，呢度唔得嗰度唔得，所以出發前仲痛苦過拍嗰陣。」

會否再開拍第四輯？Jarvis說：「暫時未有新一輯計劃，因為好睇呢輯嘅反應，好彩我見到網上反應都話好睇，其實我喺東京讀書，但今次介紹關西，唔知大家覺唔覺得恰當。」對於有報道指網民頂唔順他與男工作人員的互動，他笑說：「我哋嘅團隊冇乜女仔，但其實鏡頭後有隻手、有隻腳出鏡，嗰個係女仔嚟㗎，大家誤會咗，可能我哋嘅同事隻手比較粗，其實我哋想營造朋友視角，一大班朋友去旅行。」如開拍下輯，會邀請嘉賓？他說：「我都希望搵啲可以令到件事冇咁dry嘅嘉賓，有女仔一齊玩係好正，但我想搵啲同我高度比較襯嘅，雖然唔係太多，但我都有啲心水。」

--------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
5月21日 10am-11pm
玩《MINI GAME大挑戰》
贏取魚鱻森虱目魚精共20份
https://bit.ly/2WigzsG
--------------------------------
【記住63836568】全民爆相爆片！下一個爆料王就係你
https://bit.ly/2Guolu9