圈中有唔少朋友篤信佛教，當中仲有唔少朋友遁入空門，出家剃度。

何寶生
前大台藝員何寶生曾經喺歌、影、視三線發展，喺電影圈發展最為人所熟悉，曾經同蔡少芬主演過《白髮魔女傳》、參演《笑傲江湖》飾演林平之一角，而佢喺九十年代中開始醉心鑽研佛法，最終於05年出家，法號道生。

葉青霖
著名攝影師葉青霖1986年同演員廖安麗結婚，婚後誕下兩女。葉青霖九十年代曾一度短暫出家，喺2010年葉青霖於佛誕在台灣出家。

秦蔚文
喺九十年代性感女星秦蔚文，當時事業未算出色，又曾一度轉行做保險，於02年曾投資百萬開腳底按摩店，2014年於屯門某寺院剃度出家法號惟晟。

莊文清
第一期藝訓班畢業嘅莊文清，曾喺《上海灘》中飾演汪月琪，丈夫為藝訓班同學導演招振強，不過喺91年突然結束19年演藝生涯及婚姻，落髮出家法號顯莊。