堯嫂說:「以前佢係工作狂,有時為咗搵一個零件,就喺大陸跑嚟跑去搵成廿幾日!又食無定時,我已經成日勸佢按時食飯,好擔心佢捱到病,見到醫院封信時就覺得『(個病)終於都嚟嘞』!」
雖帶病在身,阿堯仍努力研發瓜果刨皮器,近日更收到中國政府的專利證書,有望將新產品推出市面,可自行解決醫藥費及照顧妻小。阿堯慨嘆從未為家人帶來富足的生活,堯嫂須出外工作幫補家計,現只靠她每月6,000元薪金支持一家開支,堯嫂有骨氣地說︰「我哋係窮,但唔想攤大手板攞綜援,想自食其力!」
惟17歲的小兒子處於求學階段,23歲大兒子得悉父親患病後,終日呆呆滯滯,又拒絕就醫,近月更失業,令堯嫂百上加斤。
阿堯去年開始服Sorafenib治療,坦言︰「個肚冇以前咁痛,真係好感激讀者同蘋果基金令我重生!」醫院指阿堯肝臟腫瘤得以控制,建議繼續服藥。每月藥費3.5萬,雖然去年至今收到逾24萬元讀者捐款,也即將秏盡!阿堯盼善長再施援手,助他繼續療程。
「阿堯」捐款編號:C2964
網上捐款: http://charity.appledaily.com.hk/donate