家啲3D電視機越出越多，價錢又越賣越平，小妹心郁郁都想買番部。最吸引人係好多3D電視，都可以將2D訊源變成3D畫面，質素又唔差，咁就唔怕唔夠3D影片啦。但係市面有林林總總嘅3D電視，邊個牌子最掂呢？最新一期英國消費者協會《Which?》測試市面四個品牌六款3D電視，經過3D畫面質素、2D高清及標清畫面質素、聲音質素、3D眼鏡質素，同埋使用方便程度等六項測試比較，三星兩款電視總評分最高，分別佔咗冠、亞位置，同樣被雜誌評為「購買首選」（Bestbuy）。

兩款機有USB錄影及可上網

排名第一嘅三星3DLEDTVC8000，總評分有75分。雜誌話C8000嘅3D畫質好立體、畫面好夠深度、光亮清晰、雜訊少。但係播放球賽等動態畫面，畫質仲有改善空間；講到播放2D畫面，雜誌大讚畫質一流，顏色自然。以73分排名第二嘅三星C7000，經測試後畫質同C8000不遑多讓，2D畫面銳利、細緻。不過40吋型號嘅3D效果，就唔及C800046吋大畫面咁好。
雜誌又讚C8000同C7000有USB錄影功能，方便用戶錄影電視節目，另備有上網連接功能，只要寬頻接線或無線接收器，就可以上網。可以錄影、上網同睇3D影片，睇嚟漸漸會成為電視機嘅基本功能。
電郵：mailto:[email protected]