由著名韓片《我的野蠻女友》郭在容執導、將於本月28日上映的新片《遇上世界上另一個你》，今晚喺圓方舉行首映，大會邀請到陳煒、顏子菲、王合喜等人到場。郭在容在台上介紹電影嘅看點，亦有安排魔術師喺郭在容面前玩魔術，場面非常熱鬧。

而顏子菲就提到自己都有睇韓國電影，好鍾意，好似之前《與神同行》，一個周末睇咗兩次，同男仔同女仔朋友睇，睇到一半佢哋已經喊，相反佢自己好理智冇乜反應，覺得自己太冷血，仲自嘲難怪自己到o依家都冇男朋友。顏子菲坦言自己同屋企人都好心急，每次見到同朋友出街都問係咪男朋友，所以搞到唔敢亂咁post相，佢話擇偶條件係識得照顧人，大年紀都OK，就算大自己10年都係42歲。佢又話屋企人有介紹男仔：「不過有啲都好恐怖，佢哋覺得博士、碩士學位嘅男仔會適合我，不過唔緊要，睇緣份啦！」

另外，陳煒自言近來少出首映，因為開緊新劇《多功能外母》，由於新劇拍緊實境，多咗時間，同男性朋友出嚟。有冇追求者嗎？佢仲反問傳媒有冇介紹俾佢。

陳煒又話近日有飯債要清，咁到有冇朋友介紹對象？佢話要睇朋友識唔識做，之前一直喺將軍澳拍劇，拍拖要睇緣份，急都急唔嚟。

相關報道：
《野蠻女友》導演籌備8年之作
郭在容襲港宣傳《遇上世界上另一個你》
https://bit.ly/2MGl2kR

精選娛聞，喺晒《娛果》
http://fb.com/appledailyent