明日（27日）年初三第六場四班1400米，總場次227及289同程，「爆騷」都跑第二，227場次輸畀再出入Q的「三生好運」，289場次僅負「高大威猛」再出亦入Q。

用「爆騷」做把尺，同樣有在上述兩場分別跑三、五名的「打鐵趁熱」，水準點會差？

唞四周復出換巴度，早前還針對不時慢閘缺點，安排教閘兼快磨兩段超快時間，做好準備鎖定這場為目標，出王牌報名。

同場廐侶「深愛」則以馬房出賽第三選身份匆戰，由此可見「打鐵趁熱」這次絕對是主力。

今期拆兩組後，同場對手級數明顯唔及上述兩場，只要出閘、際遇都唔差，交到與「爆騷」同到水準便夠贏！

第九場三班1400米，「標準猴王」難得及時回勇，更難得是有機會跑這場85分上限的三班賽，由上次對「美麗非凡」、「開心好玩」等惡馬，換轉一批截然不同的三班馬。

還只得「威進駒」、「路路通」及「順意寶」三匹季內識贏三班賽，絕對孭重磅都唔怕！

機會可一不可再，大摩先卜定莫雷拉，繼而做足本份，拍跳、草地、最後試跑，課期統統做齊。

經此一迫後，幾可肯定「標準猴王」狀態比前有好冇壞。

今次抽3檔起步又易發揮，比起搏極唔贏的「飈驥」肯定更值博。

-----------------------------
【獨家】唔睇唔知時運高！？即睇玄學女神唐碧霞講鼠年十二生肖運程
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-------------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇