周日一場伊高斯對迪加史卓普嘅荷蘭乙組聯賽，主隊伊高斯被對手大炒4:0，不過比數並唔重要，反正兩隊大家都唔係好認識，好睇嘅反而係完場後嘅一場大亂鬥。

比賽完結後，有幾位伊高斯球迷隨即衝落場，向迪加史卓普嘅球員拳打腳踢，迪加史卓普班球員亦唔係善男信女，立刻施展飛腳還擊，場面非常混亂。

現場嘅保安見狀就當然要介入啦，不過拳腳冇眼，雙方係打鬥期間連保安都中招，好彩事件中冇人嚴重受傷，最後保安人員成功分隔兩批人，事件終告平息。

伊高斯事後發聲明表示，對於部份主場球迷嘅行為感到羞恥，又強調將來會採取適當措施訪止同類事件再發生，警方就表示事後拘捕咗7位鬧事球迷。

-------------------
踢出我天地！【HUNGRY HEART X BFB CHAMPIONS 2.0】合作活動登場！登入即得主角★7葉恭介！ http://bit.ly/2xrTKGM